Женскиот младински хор при Младинскиот културен центар под диригентство на Сашо Татарчевски вечерва во салата „25 Мај“ во МКЦ ќе одржи концерт насловен „Кон корените”.
На концертот ќе бидат презентирани повеќе македонски композитори од најстарата генерација.
Програмата вклучува дела од Ристо Аврамовски, Трајко Прокопиев, Тодор Скаловски, како и од Стефан Гајдов, Кирил Македонски и Властимир Николовски.
Покрај концертот, публиката ќе може да проследи и кратка презентација за секој од композиторите. Женскиот младински хор при МКЦ е со богата традиција од 43 години и е еден од најнаградуваните македонски хорски ансамбл во странство.
Влезот е слободен, а концертот започнува во 20,30 часот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
