Средношколец во САД ja хакирал приватната е-пошта на директорот на ЦИА

Приватната електронска пошта на директорот на ЦИА Џон Бренан ја хакираше еден средношколец, и американските власти ги истражуваат наводите дека тинејџерот влегол во листата на контакти, список на телефонски повици и други документи на првиот човек на разузнавачката агенција, пренесе „Танјуг“.

Од ЦИА потврдија дека истрагата е во тек, но не прецизираа дали дошло до хакирање на личната е-пошта на Бренан.

– Ние сме свесни за извештаите што се појавија на социјалните мрежи и го проследивме предметот до надлежните органи – се наведува во соопштението на ЦИА.

Хакерот на социјалните мрежи тврди дека упаднал и во личната електронска пошта на американскиот секретар за внатрешна безбедност Џеј Џонсон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.