Петок ќе биде претежно облачен ден. Повремен, релативно слаб дожд се очекува во западниот регион, но и во централниот северен дел од земјава. Повремени сончеви периоди се можни во источната половина од земјата, но сепак облачноста ќе преовладува. Ќе дува слаб југоисточен ветер.
Утрото ќе биде потопло во однос на претходните денови, а минималната температура ќе има вредности малку над 10°С.
Дневниот максимум на температурата ќе достигне вредности помеѓу 18°С и 20°С низ поголем дел од котлините. Малку потопло, до 22°С се очекува во јужниот тек на Вардар, додека нешто посвежо, околу 17°С се очекува во осоговско-малешевскиот и охридско-преспанскиот крај.
Скопје останува генерално под облаци и во петок. Ќе има услови за краткотрајни и сосема слаби врнежи од дожд. Максималната дневна температура ќе достигне до 18°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
