50-тина деца облечени како бубамари ја отворија едукативната патека за деца во Маврово и симболично најавија многу гости и посетители во овој прекрасен национален парк кој од ден на ден станува дестинација поблиска до дечињата.
Во националниот парк Маврово во познатиот локалитет Бунец беше отворена едукативната патека за деца која е наменета за возраст од 6 до 12 години.
Со ова туристичкиот центар Маврово добива уште една нова интересна содржина за семејствата, патека со должина од 1 километар која ќе овозможи најмалите посетители да се запознаат со биодиверзитетот во тој регион под надзор на водичи специјално обучени за работа со деца.
Родителите од денеска можат да дојдат во овој прекрасен дел од Западна Македонија и заедно со своите деца да уживаат во сите убавини кои ги нуди Маврово, од спортување и рекреација, одмор, уживање и учење и запознавање на природата од мали нозе.Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
