Травес Бејнон, тутунскиот моќник од Австралија попознат под прекарот Кендимен, добил 25.000 долари отштета од дадилката што ги чувала неговите деца.
Мишел Менти пред камерите кажала дека Бејнон е лош родител, тврдејќи дека тој ги пуштил децата да ја гледаат нивната мајка како лежи гола на маса, прекриена со суши.
Нејзините тврдења на суд, сепак, се окарактеризирани како измислици, па дадилката морала да му плати цело богатство на поранешниот работодавец.
Мишел Менти во споменатото телевизиско интервју изјавила дека извршниот директор на тутунскиот синџир „Фричојс“ води „лудачки живот“ и дека луѓето „константно влегуваат и излегуваат од неговата куќа“.
– Разбирам дека тоа е стил на живот што му се допаѓа, но сметам дека е должен да ги заштити своите деца. Неговите ќерки беа присутни кога нивната мајка беше гола и прекриена со суши и тој ја фотографираше – кажала дадилката.
Фотографијата што осамна на профилот на Кендимен по повод прославата на Октобрфест. Девојката од десната страна е неговата сопруга.
Меѓутоа судот утврдил дека девојчињата во тој момент не биле во куќата, па донесе пресуда за отштета за повреда на угледот на Бејнон.
Судијата додал и дека австралискиот Хју Хефнер, веројатно, би добил и поголема отштета, доколку преку неговиот профил на „Инстаграм“ не промовираше толку слободени хедонистички стил на живот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
