Репрезентацијата на Италија со победа против Азербејџан од 3-1 обезбеди виза за нов настап на Европските првенства во фудбал и постави нов светски рекорд.
Популарните „аѕури“ по 49. пат во квалификациски мечеви за ЕП или СП останаа непоразени, што е апсолутен рекорд.
Едер, Ел Шарави и Дармијан беа стрелци на головите за победа против Азербејџан и за визирање на италијанските пасоши за пат во Франција на ЕП следната година.
Блиску до пласман на ЕП е и Норвешка по денешниот триумф над Малта од 2-0, а токму оваа репрезентација во последното коло ќе се обиде да ја сопре серијата без пораз на Италијанците.
Во игра за настап во баражите остана Холандија по победата од 2-1 над Казахстан, а Исланд и Летонија ремизираа 2-2.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
