Претседателот на Советот на обвинители, Аневски: Катица Јанева врши притисок, условува и непринципиелно се заканува

Фактот дека Катица Јанева ги надминува принципите и излегува надвор од рамките на непристрасното работење освен по изборот на кадровски решенија каде одлучи кумашинот на адвокатот на Зоран Заев да биде дел од нејзиниот тим, покажува и жестоката реакција на фелата изразена преку изјавата на Претседателот на советот на јавни обвинители Петар Аневски.

Тој јавно посочува дека Катица Јанева се заканува и неприципиелно условува.

– Најавите дека ќе си даде оставка ако макар и еден од предложените обвинители во тимот не и избереме, како и писмото од минатата недела што го испрати специјалната обвинителка Катица Јанева до Советот на јавни обвинители, во кое, иако сме надлежен орган, таа нe учи што да правиме и како да избираме, го сметаме за директен притисок врз Советот за изгласување на предлог-одлуката за избор на јавните обвинители во Обвинителството за гонење кривични дела поврзани и кои произлегуваат од содржината на неовластено следење на комуникациите – изјави Аневски.

Аневски уште еднаш укажа дека предлог-одлуката за предложените кандидати за 14-темина заменици специјални обвинители ќе биде разгледана од сите членови на Советот и дека секој од нив ќе дискутира за секој од предложените кандидати.

– Без оглед на заканите и притисоците од Јанева, Советот ќе постапува по Устав и закон – и порача Аневски вчера на специјалната обвинителка.

Тој вели дека Јанева во вторникот испратила официјално писмо до Советот, мотивирана од тоа што и е побаран дополнителен општ, персонален и финансиски план за работата на Специјалното обвинителство.

– Бидејќи и го побаравме тој план што патем ни е законска обврска, таа напишала дека Советот ја нарушува имплементацијата на Законот за Јавното обвинителство за гонење кривични дела поврзани и кои произлегуваат од содржината на неовластено следење на комуникациите, со развлекување на изборот. Нe подучува да ги видиме член 6 и член 16 од тој закон, што е навистина непристојно од нејзина страна – реагираше вчера Аневски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.