Осумдесет и една земја ги кандидираа своите остварувања за најдобар странски филм на 88. доделување на Оскарот, објави американската Академија за филмска уметност и наука.
Списокот на земјите кои ги кандидираа своите филмови ги вклучуваат и претходните повеќекратни добитници како Франција, Италија и Шпанија, но и оние кои се појавуваат првпат како што е Парагвај.
Политичкиот трилер „Медена ноќ“ на режисерот Иво Трајков е избран за македонски кандидат на 88-то издание за наградата Оскар, на Американската академија за подвижни слики, уметност и наука за филмови од неанглиско говорно подрачје. Филмот бил единствен пријавен и бил избран едногласно, соопшти Дрштвото на филмски работници.
Во „Медена ноќ“ Никола Ристановски глуми функционер кој дознава дека луѓето околу него биле уапсени, а приказната се преплетува меѓу политичката тензија и личните брачни проблеми со неговата сопруга.
Осумдесет и осмата церемонија на доделување на Оскар ќе биде одржана на 28 фебруари идната година, а номинациите ќе бидат објавени на 14 јануари.
Минатата година за најдобар странски филм наградата ја доби „Ида‟ на Полјакот Павел Павликовски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
