Италијанскиот напаѓач Марио Балотели кој оваа сезона ќе ја помине во редовите на Милан како позајмен фудбалер од Ливерпул, јавно на социјалните мрежи на неколку наврати му упати подршка на Јирген Клоп.
Така беше и пред финалето на Лигата на шампионите во 2013 година, кога Клоп со Борусија Дортмунд се обиде да дојде до насловот, но беше спречен од лутиот ривал Баерн Минхен.
Балотели тоа го прави и сега, кога германскиот тренер се поврзува со клупата на Ливерупул, кој е негов матичен клуб.
– Ливерпул е добар клуб, но неговите неверојатни навивачи и неверојатен тим го прават посебен. Можете да се изборите со предизвиците, не ви е потребна помош! – напиша Балотели
Италијанецот со посебно внимание ги прати случувањата кај „црвените“. Можеби посакува да се врати во матичниот клуб и да се избори за шанса во првиот состав, која не ја доби од поранешниот менаџер, Брендон Роџерс.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
