Овен
Вие сте љубители на модата, но не сте личност што слепо ги следи трендовите, туку сте вљубени во скапите и квалитетни парчиња облека. На венчавката, невестите родени во овој знак сакаат да изгледаат префинето и да се издвојат со елеганцијата. Кичот никогаш не доаѓа предвид.
Совршената венчаница за вас е едноставна, бела и со отворен грб. Овните се познати како егоисти, така што е пожелно да бидат во центарот на вниманието, а не самиот фустан, па затоа се решаваат за минимализам.
Бик
Биковите го сакаат комфорот и затоа со задоволство ќе одберат венчаница во која ќе можат без проблем да играат цела ноќ. Исто така, избираат облека што ја истакнува нивната самодоверба, па не чудете се ако претераат со нагласување на атрибутите што ги сакаат.
Сексапилната венчаница со необичен крој, а лесна за носете е вистинскиот избор. Претесните модели и корсети не доаѓаат во предвид. Венчаницата што лесно паѓа или има А-крој е совршена за раскошната церемонија на невестите во знакот на Бик.
Близнаци
Вие сте моден магнет, ги мешате различните трендови и стилови, а сепак изгледате совршено и складно. Никогаш не можете да се откажете од светките и од цирконите затоа што го сакате раскошот што го симболизираат.
Гламурозната венчаница со златни детали е совршен избор за сите невести родени во знакот на Близнаци. Моделот од матиран материјал со нагласени златни акценти е тоа што ќе ве направи најсреќни на денот на венчавката.
Рак
Ако треба со еден збор да ги опишете жените родени во овој знак, тогаш тоа би бил зборот елеганција. Раковите се женствени и сакаат класична гардероба.
Совршената венчаница на невестата Рак е со А-крој и без прерамки. Место стандардната бела боја, Раковите со задоволство ќе одберат светла крем боја или шампањ нијанса.
Лав
Кога се работи за модата, Лавовите сакаат силни бои и обожаваат да се издвојуваат од толпата. Тие никако не сакаат да се вклопат, туку сакаат да бидат забележани на секој чекор.
Токму затоа на посебниот ден невестите Лавици нема да ја пропуштат можноста да одберат голема и раскошна венчаница што, буквално, ќе боде очи. Балските модели со помпезен тул се првиот избор со кој нема да погрешите.
Девица
Девиците се женствени, нежни и вечни девојчиња. Сакаат да изгледаат како дами, па затоа секогаш носат нежни пастелни бои, кои ја истакнуваат нивната невиност.
Елегантната и долга венчаница со розови мотиви е остварување на секоја невеста Девица. Избегнувајте ги светките и цирконите затоа што тие не соодветствуваат со вашата елеганција.
Вага
Вагите сакаат баланс, златна средина, како во животот така и во гардеробата. Сепак, имате денови кога сакате да експериментирате. Тогаш не плашете се да ја покажете иновативноста, која е вашиот најголем квалитет.
Сепак, вашата венчаница не е голема, во балски фазон како за принцеза. Најдобро ќе се чувствувате во едноставната и затворена венчаница без претерано истакнување на кожата и натрупани детали.
Скорпија
Вие обожавате да комбинирате различни материјали и да го спојувате неспоивото. Креативни сте и самоуверени, а модата за вас е игра.
Затоа што сакате луксуз и сексапилен изглед, со задоволство ќе одберете фустан од сатен, по можност што ја следи линијата на телото. Долгата опшака од материјал која се влече зад вас, исто така, е добредојдена.
Стрелец
Стрелците се личности што пукаат од самодоверба, па обожаваат гардероба со бои и шари што привлекуваат внимание. Вие избирате алтернативни стилови и решенија, класиката е здодевна и не доаѓа предвид.
Токму затоа невестите родени во знакот на Стрелец ќе одберат фустан со чуден, необичен крој и несекојдневни мотиви. Моделите со тесен корсет имаат предност, но единствен услов да бидете задоволни од крајниот резултат е венчаницата да биде исцртана и сошиена специјално за вас.
Јарец
Спротивно од Стрелецот, вие сакате едноставна и класична гардероба. Сепак, сакате да додадете свој личен печат на комбинациите што ги носите.
Токму затоа никогаш не би се појавиле во провокативна венчаница што свети. Не можете да се замислите во венчаница, која ви ги стега градите, ви ја истенчува половината или ви ги нагласува колковите. Затоа широката венчаница, која лесно паѓа, е идеален избор за вас.
Водолија
Вие, едноставно, не се вклопувате во пропишаните правила на модата, премногу сте поинакви и креативни. Љубител сте на трендовите, но не и на моделите што ги носи толпата.
Вашата венчаница е уникатна и единствена, па место долг фустан како секоја невеста, со задоволство би се решиле за краток модел со луксузна тантела.
Риби
Вие сте слободна личност со весел дух, не сакате стеги и граници, а тоа важи и кога избирате гардероба. Романтичарки сте во душа, па затоа го негува нежниот отпуштен стил.
Токму затоа традиционалниот фустан не е добар избор. Тој ќе ве задуши. Место него, одберете романтичен модел со тантела и со долги ракави во бохо стил.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
