Лошите девојки се мажат во мај

Месецот мај своето име го добил според римската божица на пролетта Маја. Негови симболи се јоргованот и смарагдот кои пак претставуваат симболи на успехот и љубовта. Но, дури ни најромантичниот месец на пролетта не е заобиколен од суеверието.

Некогаш одамна се верувало дека паровите кои ќе се венчаат во мај во првите години од бракот ги следи неверојатно лоша среќа. Ова суеверие потекнува уште од времето на римската империја кога поетот Овидије напишал: Лошите девојки се венчаваат во мај. Подоцна, врз основа на ова се создала песната под наслов „Венчај се во мај и ќе зажалиш”.
За да ја избегнат лошата судбина луѓето долго време избегнувале да се венчааваат во овој месец.
Сепак, денес, за многумина месецот мај е најубавиот месец во годината и е одличен избор за месец на венчавката. Според едно истражување во кое учествувале вкупно 40,000 луѓе, луѓето родени во месец мај се верува дека се многу посреќни од останатите кои се родени во другите месеци од годината.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.