Фотографиите од херојскиот подвиг на супер моделот Хајди Клум од спасувањето на нејзиниот син и двете дадилки од разбеснетиот океан за време на престојот на Хаваи, го обиколија светот само неколку часа по објавувањето на интернет.
Хајди со нејзиното момче, телохранителот Мартин, и четирите деца додека престојувале на Хаваите доживеале непријатна случка што ќе ја паметат целиот живот.
Во еден момент разбрануваниот океан ги повлекол нејзиниот седумгодишен син Хенри и двете дадилки, поради што Хајди и Мартин биле принудени да ги спасуваат од сигурна смрт.
Целата драма била проследена од папараците кои наместо да помогнат, се потрудиле да направат што е можно повеќе фотографии.
Во интервју за магазинот Пипл, 39 годишната Клум изјавила дека била изненадена од односот на папараците кои решиле да фотографираат наместо да им помогнат.
– Луѓето се навикнати да ме гледаат во бикини. Овие фотографии изгледаат многу пострашно во споредба со тоа што се случи тој ден. Го направив тоа што секоја мајка би го направила. Сепак, никогаш не ја потценувајте моќта на океанот, рекла Клум.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
