Кристијано Роналдо не успеа да ја затресе мрежата на Албанија во дресот на португалската репрезентација и го продолжи постот без гол на осум меча на почетокот од новата сезона.
Чудно, но вистиното за расен стрелец од калибарот на Роналдо, кој е еден од најдобрите играчи и голгетери на денешницата.
Последен пат популарниот ЦР7 се радуваше на погодок на 24 јули, кога на пријателски натпревар против Манчестер сити успеа да ја затресе мрежата. Тој со 314 погодоци на 302 официјални натпревари е втор стрелец во историјата на Реал Мадрид и му недостасуваат само 10 гола за да го престигне рекордерот Раул.
Роналдо пости и во дресот на националната селекција на Португалија, иако е рекордер по бројот на погодоци со 55 прецизни удари на 120 одиграни мечеви.
Следна шанса за прекин на постот ќе му биде дуелот со Еспањол во сабота.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
