Во интервју за приштинскиот весник „Трибуна“ Муслиу го критикувашр косовското раководство за неговата незаинтересираност преку дијалогот со Белград да се обиде да го реши и проблемот со статусот на Албанците во Прешевската долина.
-Најдискриминирани Албанци во Европа се Албанците во Прешевската долина. Тоа најјасно се потврди на 20 јануари годинава кога беше отстранет споменикот на Армијата за ослободување на Прешево, Бујановац и Медвеѓа во центарот на Прешено. Тука Србија ги покажа своите заби и намерата со сила да ги решава проблемите со Албанците, рече Муслиу.
Тој додаде дека молбата на Албанците за помош, упатена кон Приштина и Тирана, не наиде на разбирање.
-Многу пати сакавме да бидеме дел од дијалогот меѓу Белград и Приштина. Штом се зборува за Косово и неговиот северен дел, зашто да не се зборува и за Прешевската долина, рече Муслиу, кој е и поранешен градоначалник на општина Бујановац.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
