Груевски: Бесплатно ин витро и за трето и четврто дете

Во Владата веќе сме во длабоки анализи и мислам дека набргу ќе излеземе со нов предлог, а тоа е да им се помогне и на оние коишто сакаат да одат со ин витро на трето или четврто дете, најави денеска премиерот Никола Груевски.

– Како што знаете, досега беше дозволено поддршка на оние што сакаат второ и трето дете со ин витро. Сега Владата прави поддршка и за трето и четврто дете, се прават анализи да се ослободат од партиципација за сите, и за прво, второ, трето, четврто, таа партиципација изнесува 6.000 денари. Тоа е 20 отсто од вкупниот износ. На наредната владина седница треба да го дискутираме и да донесеме одлука по ова прашање. Но, мислам дека не постојат пречки. Досега инвестиравме околу 1,5 милион евра годишно за ин витро прво и второ дете – изјави Груевски, одговарајќи на новинарски прашања при денешната посета на Младо Нагоричане.

Тој смета дека, според разговорите што ги имал со ФЗОМ и со министерот за здравство, постојат услови Владата да донесе одлука да се прошири опфатот и за трето и за четврто дете со ин витро и сите да се ослободат од партиципација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.