Турските власти се согласија со предлогот на САД да не извршуваат самостојни воздушни напади врз позиции на борците од групацијата Исламска држава во Сирија надвор од рамките на операцијата на меѓународната антитерористичка коалиција, изјави портпаролот на Стејт департментот, Џон Кирби.
– Ги замоливме турските власти да не извршуваат самостојни воздушни напади врз позиции на ИД во Сирија, додека Турција целосно не се интегрира во меѓународната антитерористичка коалиција, за да биде обезбедена безбедноста на извршуваните воздушни операции за коалицијата во мошне оптоварениот воздушен простор. Турците се согласија – додаде Кирби.
Според него, Вашингтон и Анкара продолжуваат да работат за ликвидирање на заканите, кои произлегуваат од ИД во Сирија во близина на границата со Турција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
