Пет деца на возраст од две до десет години се угушиле синоќа, сабота спроти недела во пожар во една куќа во Франција, јави „Би-би-си“. Децати биле во куќата на нивниот татко, кој е тешко повреден. Чадот го разбудил и тој скокнал преку прозорецот да побара помош.
Еден од соседите изјавил дека таткото и тој се обиделе да влезат во куќата во која беснеел пожарот, но морале да се повлечат пред бесните јазици. Пожарникарите брзо стигнале, но и тие не можеле да влезат во куќата бидејќи огнот бил пресилен. Четири деца биле пронајдени мртви во една од собите, а петтото дете било во соседната соба под еден прозорец.
Таткото и мајката биле разведени и живееле одделно. Децата викендот го минувале кај татка си.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
