Ресенската полиција поднесе кривична пријава против девет лица за насилство.
Пријавените Б.М.(36) од Ресен, Х.И.(35) од Скопје Ж.М.(47) од Охрид, П.С.(31) од Охрид, К.С.(37) од Охрид , М.К(39) од Охрид, А.Н(39) од Ресен, Н.К(36) од Ресен и О.Д(41) од Ресен, делото го извршиле на 1 август околу 22,00 часот во кафе бар во Ресен.
Седмо, осмо и деветтопријавените, со други лица седеле на една од масите во локалот, а на соседната маса во еден момент седнале останатите пријавени. По кратко време помеѓу пријавените настанала кратка вербална расправија, а потоа започнала и физичка пресметка , при што настанал општ неред и тепачка со фрлање на делови од инвентар и шишиња. Притоа дел од пријавените се здобиле со телесни повреди.
Со дејствието се предизвикало чувство на несигурност и страв и загрозеност кај многумина присутни гости во локалот, кои го напуштиле истиот оставајќи лични предмети и неплатени сметки за добиените услуги.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
