Македонската одбојкарска репрезентација постигна нова победа во Европската лига откако вечерва ја совлада Полска на нејзин терен со 3:2 во сетови. Со овој триумф Македонија се проби на втората позиција на табелата во групата и со тоа ги задржа шансите за пласман на второто место и учество на завршниот турнир.
Резултат по сетови: 26:24; 22:25; 24:26; 25:20 и 15:12.
Македонските одбојкари поведоа со 1:0, а потоа противникот го презеде водството со 2:1 во сетови. Во продолжението повторно избраниците на селекторот Жарко Ристоски беа сигурни и успеаја да изедначат на 2:2. Во решавачкиот сет Македонија ги искористи своите шанси и ги казни грешките на противникот.
Полска и Македонија ќе одиграат утре уште еден натпревар со почеток од 17 часот. Во тек е дуелот меѓу Естонија и Израел.
Табела А група: Естонија 80 (победипорази), Македонија 63, Полска 63, Австрија 26, Данска 26 и Израел 17.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
