Околу 1.500 туристи и вработени, вклучувајќи ги и лицата од обезбедувањето, биле евакуирани од кулата, откако непозната личност пријавила дека вечерва во оваа градба ќе се случи експлозија, пренесува “RT”. Полициската истрага е се уште во тек, но засега не се пронајдени никакви сомнителни уреди или пакети.
Овие закани следат накратко откако Ал Каеда ветила “одмазда” за француската интервенција во африканската држава Мали за борбата против исламските туристи. Лицето кое што се јавило рекло дека бомбата е поставена во непосредна близина на кулата и дека истата ќе експлодира во 21:30, меѓутоа до 22 часот во престолнината на Франција немало експлозија.
Иако досега во Париз имало бројни најави за бомби во Ајфеловата кула, која на годишно ниво е посетена од страна на 7 милиони луѓе, овој пат Франција во овој момент е особено претпазлива поради заканите од Ал Каеда.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
