Три објекти од крајот на 19-тиот и почетокот на 20 век кои се наоѓаат во старото јадро на Битола ќе бидат санирани до крајот на годинава, во рамки на проектот на Министерството за култура за обнова и конзервација на фасади од стара градска архитектура во градовите низ Македонија.
Санациско-реставраторските зафати ќе бидат извршени на фасадите на Безистенот – значаен споменик на културата од османлискиот период, гимназијата „Јосип Броз Тито“ и Музичкото училиште во Битола. Надлежна установа е НУ Завод за заштита на спомениците на културата и музеј – Битола.
– Финализацијата на проектите, преку кои ќе биде зачувана автентичноста на спомениците на културата и на споменичните целини од богатото архитектонско наследство на нашата држава, треба да биде до крајот на 2015 година, а во тек се административните процедури за одобрување на проектите и тендерските постапки за избор на најповолни изведувачи на работите на трите објекти, информира Министерството за култура.
Во Битола во изминатиот период беше реставрирана и внатрешната фасада на објектот во кој е сместен Заводот за заштита на спомениците.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
