Кај село Порој во прекин е регионалниот пат Тетово – Јажинце, а како алтернативни патни правци се користат: Тетово – Требош – Џепчиште и Желино – Шемшево – Јегуновце – Теарце, соопшти изутринава Авто мото сојузот на Македонија (АМСМ).
Патниот правец Тетово – Попова Шапка е исчистен и сообраќајот се одвива нормално во двата правци. Делот од коловозот на регионалниот пат Тетово – Јажинце, кај село Доброште е исчистен и на тој дел од патот сообраќајот е нормализиран. Поради надојдена вода на Вратничка река, целосно е оштетен мостот кој сообраќајно ги поврзува селата Горно Орашје и Нераште.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
