Албанската полиција униши околу 8.000 стебла марихуана, високи од 60 до 160 сантимтери, јави дописникот на МИА од Тирана.
Припадниците на Полицискиот комесаријат од Скадар, во неколку села од Скадар, Пук и Голема Малесија, уништиле околу 6.000 стебла. Поголемиот дел од нив во селото Кафтал каде на 16 парцели уништиле околу 4.200 стебла, потоа во селото Шпот, 10 парцели со над 700 стебла, Васиај 11 парцели со над 800 стебла и Џај една парцела со над 210 стебла.
Сите искорнати стебла марихуна се уништени со палење.
Во акцијата на полицијата за уништување насади со мархуана, во атарот на селото Никол, во планискиот предел на Куртцај, кај Круја уништени се 27 парцели со над 2.000 стебла марихуна, со различна височина.
За нешто повеќе од два месеца,од кога почна широката операција за уништување на насади со марихуана, албанската полиција има уништено околу 45.000 стебла марихуана.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
