Потрошувачите во неколку трговски центри низ Скопје денеска ќе се запознаат со новите едукативни летоци за безбедноста на храната, што ги изработи Агенцијата за храна и ветеринарство. Преку нив ќе се информираат за општите и посебните означувања.
На пример, информираат за читањето на означувањето на прехранбените производи, за означувањето на адитивите, на генетски модифицираната храна, на алергените состојки, како и истакнувањето на нутритивните и здравствените тврдења.
Презентацијата ќе се одржи во Веро центарот од 11 до 13 часот, во присуствуво на директорот на Агенцијата за храна и ветеринарство Дејан Рунтевски. Тим на Агенцијата во истото време ќе ги промовира информативно-едукативните летоци и во супермаркетот Тинекс во ТЦ Зебра во населбата Капиштец.
Настанот е во рамки на проектот „Безбедноста на храната е обврска на сите заинтересирани страни во системот за безбедност на храната“ што Агенцијата за храна и ветеринарство го реализира во соработка со Организацијата на потрошувачите на Македонија и е дел од Програмата на Владата за заштита на потрошувачите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
