Усвоени 20-тина закони за усогласување на Законот за прекршоци

По донесувањето на Законот за прекршоци од страна на Собранието, институциите веднаш започнаа со процес на усогласување на своите материјални закони со овој системски закон.

Портпаролот на Владата на Република Македонија, Александар Ѓорѓиев потенцира дека денес на владина седница беа усвоени над 20-тина закони од различни области како земјоделие, труд и социјална политика, економија, финансии, царина…

-Тие опфаќаат над 80-90 проценти од најчестите прекршоци кои се случуваат. Тие веднаш ќе бидат испратени во Собранието на тамошно изгласување со цел што побрзо да се создаде правен амбиент за да може да се ползваат ефектите од намалените санкции за стопанските субјекти, истакна Ѓорѓиев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.