Неколку лица се ранети во пукотници во туристичката улица во Барселона, „Ла Рамбла“, а полицијата трага по две вооружени лица.
Како што јавува „Ла Вангардија“, најмалку едно лице се здобило со „тешки повреди“.
Неофицијално, двете вооружени лица се во бегство, а до пукотниците дошло пред хотелот „Силкен“ околу 15.10 часот по локално време.
Весникот „Мундо“ пренесува дека полицијата трага по еден напаѓач во централниот шпански кварт Суитат Вела.
Според првичните информации, на пукотниците и претходел обид за грабеж на еден странски турист. Инцидентот го воочиле полицајци и му пришле на крадецот и на жртвата, но тогаш дошло до размена на оган.
Полицијата поради пукотниците затворила една продавница за облека на „Ла Рамбла“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
