Хованец: Договорот за азилантите ќе биде само почеток на решавање на проблемот

Чешкиот министер за внатрешни работи Милан Хованец смета одлуката за начинот на распределба на 40.000 баратели на азил кои се наоѓаат во Италија и Грција, ќе зависи од ставот на претставниците на Шпанија и неколку други земји, јави дописникот на МИА од Прага.Хованец оцени дека дури и евентуален договор за помош на двете земји погодени од сегашниот бран на миграција е само почеток на еден долг пат за вистински да се реши миграциската криза.

Земјите-членки на ЕУ на крајот на јуни го отфрлија предлогот на Европската комисија за задолжителна распределба на 40.000 луѓе, кои имаат право на меѓународна заштита и сега се во Италија и Грција.

Членките на ЕУ се согласија на распределба на бегалците на доброволна основа во наредните две години.

Чешка предложи помош за 1.500 бегалци до 2017 година, од кои 400 годинава, Германија 9.000, Франција над 6.700 граѓани, а некои земји воопшто не понудија гостопримство за мигрантите.

Чешка примањето на мигрантите го услови со т.н. избор на бегалците директно во камповите во Италија и Грција

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.