Во организација на Повардарската Епархија, денеска во водите на реката Бабуна во непосредна близина на Велес, се одржа групна крштевка.
Со овој свет чин во православната христијанска вера беа воведени 28 граѓани, од кои 18 од Велес и 10 од Скопје.
Најмладиот кој беше крштеван е едно и полгодишниот Лука Јованов од Велес, а највозрасниот 65-годишниот Бобан Вујичиќ од Скопје, кој се кршевање заедно со својот син и ќерка.
Светиот чин на крштевањето во водите на реката Бабуна го извршија свештеници од Епархијата Повардарска.
– Кршевањето е голем чин за секој граѓанин, кој се воведува во православната христијанска вера и тоа е момент на спојување со Бога. Тоа е воедно, и влез во православната христијанска црква, потенцира за МИА, прота Борис Симоновски.
Како што појаснуваат од Повардарската Епархија, за пофалба е што интересот за групното крштевање во водите на Бабуна кај Велес, веќе осма година кај граѓаните не опаѓа.
Воедно, прекинувањето на групното крштевање во Матка, е причина што се’ поголем број граѓани од Скопје доаѓаат на групното крштевање во Велес.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
