СВР Скопје- Отсекот за дрски и разбојнички кражби поднесе кривична пријава против З.Г.(30) од Скопје заради постоење на основано сомнение дека сторил шест кривични дела тешка кражба на особено дрзок начин предвидени и казниви по чл.236 ст.3 т.1 од Кривичниот закон на Република Македонија. Имено пријавениот со намера за себе да прибави противправна имотна корист на подрачије на град Скопје во периодот од април до Јули 2015 година сторил шест тешки кражби на дрзок начин со што се стекнал со вкупна материјална корист од околу 152.000 денари. Од страна на судија на претходна постапка на пријавениот му е одредена мерка притвор во траење од 8 дена.
З.Г. делата ги извршувал најчесто врз женски лица на возраст од 40 до 64 години при што на особено дрзок начин користејќи го невниманието со употреба на физичка сила од оштетените одземал златен накит. Во пет од случаите пријавениот на автобуска постројка во централното гратско подрачје од позади грб им се доближил на оштетените и насилно со кинење од вратот успеал на оштетените да им земе златни ланци.
Во еден случај пријавениот во кругот на Зелено пазарче-Скопје додека оштетената пазарела и се движела помеѓу тезгите и се доближил од предна страна и ненајдено насилно повторно ја грабнал за златниот ланец кој го носела на вратот, успеал да го скине и одземе и со трчање се одалечил.
По преземени интензивни мерки и активности пријавениот е приведен во полициска станица каде од страна на оштетените во присуство на ЈО извршено е препознавање на пријавениот при што истите со потполна сигурност го посочија З.Г. како сторител на кривичните дела извршени врз нив.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
