Повеќето луѓе по купувањето на домати, по навика ги сместуваат во некоја од фиоките во фрижидерот за да им се зачува свежината.
Но, сега научниците и нутриционистите тврдат дека реалноста е целосно спротивна.
Тие со бројни истражувања докажаа дека ако доматите ги чувате во фрижидер, многу побрзо ќе станат меки и ќе загубат дел од хранливите состојки, а неговата арома ќе ослаби.
Доматот расте во топла клима, а неговото складирање на ниска температура доведува до хемиски промени кои предизвикуваат распаѓање на клетките.
Тоа се случува на секоја температура пониска од 10 степени, а бидејќи температурата во фрижидерите обично е од 2 до 6 степени, ова посебно важи за нив.
Ако сте купиле веќе мек и презреан домат, само тогаш можете да го сместите во ладилникот. Во спротивно, чувајте ги во гајба или хартиена кеса на некоја полица на собна температура.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
