Високите температури кои се забележани во Европа изминативе неколку дена претставуваат сериозен стрес и за животните, па затоа експертите апелираат да им се обезбеди ладовина и доволно количество вода.
Животните во природата ќе најдат засолниште од Сонцето и начин да се разладат, но се аперлира оние кои работат на полињата да не се изложуваат на напор, а на оние кои се во затворен простор потребно да им се посвети повеќе внимание.
Ветеринарот од Сараево, Самир Ризво за Фена изјави дека високите температури кај животните делуваат исто како и кај луѓето, нагласувајќи дека зголемените телесни температури особено се опасни за кучињата.
Ризво вели дека доволни се пет минути на силно сонце за кучињата да доживеат топлотен удар, имајќи пред вид дека немаат потни жлезди и се разладуваат само до дишење.
– Во затворен автомобил би му требало и помалку од пет минути, додава тој.
Ризво, исто така, нагласува дека животните треба да се заштитат од паразити кои можат да ги заразат од разни болести.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
