Без резултати заврши состанокот на еврогрупата за Грција

Состанокот на Еврогрупата за Грција заврши без резултати бидејќи Атина не достави предлози за реформи и антикризни мерки. Предлозите се очекуваат во текот на утрешниот ден.

– Атина се уште не доставила предлози, изјави по крајот на состанокот на министрите од еврозоната, Александер Стуб, фински министер за финансии.

Тој нагласи дека од Грција се очекува официјална молба во која ќе се формулира барањето за нова двегодишна програма за финансиска помош од Европскиот стабилизациски механизам.

Ситуацијата во Грција вечерва ќе биде разгледана на средба на високо ниво на државни и владини лидери од еврозоната.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.