Белата куќа: Грција и ЕУ треба да најдат компромис

Белата куќа апелира до Грција и до лидерите на Европската унија да пронајдат компромис и да ја задржат Атина во еврозоната.

– Референдумот е завршен, но ставот на Белата куќа останува ист. Тоа е на Европа да го реши – изјави портпаролот Џош Ернест.

Тој наведе дека претставниците на ЕУ и Грција треба да постигнат договор за „пакетот реформи и финансирањето кое би ѝ овозможило на Грција да биде на патот на одржлив долг, но и на економски раст.

– Тие треба да ѝ овозможат на Грција да остане дел од еврозоната – истакна Ернест.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.