Во фабриката за прехранбени производи „Подравка“ од Копривница во тек е повлекување на производот „вегета“ за одредени производни серии од пазарите во Австрија, Германија и Словачка, бидејќи во текот на рутинската контрола во Австрија биле утврдени индиции за присуство на салмонела, јави агенцијата Хина.
Од „Подравка“ информираа дека се повлекува „Вегета“ во пакувањата од 250 и 500 грама од пазарот во Австрија, Германија и Словачка, бидејќи во текот на рутинската контрола во Австрија било утврдено дека постојат индиции за присуство на бактеријата Салмонела во трагите од еден изолиран случај.
„Подравка“ сега самоиницијативно ги повлекува производите од овие три пазари. Производите се дадени на анализа во хрватски лаборатории што утврдиле отсутност на бактеријата sалмонела во „вегета“ и на тој начин ги потврдиле резултатите на лабораторијата за контрола на квалитетот на „Подравка“.
Во тек се и дополнителни анализи на производите наведени во производните серии кај овластените лаборатории на ЕУ.
Оттаму нагласуваат дека редовно и континуирано во своите лаборатории спроведуваат контрола на квалитетот и здравствената исправност.
По добивањето на сите соодветни информации, јавноста и другите надлежни тела благовремено ќе бидат информирани, наведува компанијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
