Менаџерите задолжени за организација на оваа атракција се уапсени поради убиство од негрижа. 28 – годишната девојка заедно со своето момче скокнала од кранот висок 65 метри во близина на градот Сент Омер во Франција.
Девојката скокот не го преживеа, а нејзиното момче се здобило со сериозни повреди, пишува „Паризиен“.
Некаде, на околу 15 метри од земја, дошло до проблеми со системот за прицврстување и двојката паднала на земја.
Менаџерите се уапсени поради сомнение дека извршиле убиство од небрежност. Обвинителот изјави дека треба да се утврди дали несреќата е предизвикана од човечка грешка, дефект на опремата или и двете нешта.
Секако, после несреќата, за посетителите е забрането банџи скокање од овој кран.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
