Грција нема да го плати долгот кон ММФ

Грција нема да плати 1,6 милијарди евра, кои ги должи на Меѓународниот монетарен фонд на 30 јуни, соопшти денеска претставник на грчката Влада.

Директорката на Меѓународниот монетарен фонд Кристин Лагард вчера ја исклучи можноста да биде дозволено одложување на исплатата на долгот на Грција кон Фондот, рок кој изминува на 30 јуни.

– Кога зборувам за ММФ ја имам предвид меѓународната заедница. 1,6 милијарди долари треба да бидат платени до вторник до 18 часот, според американско време во Вашингтон. Тие пари припаѓаат на меѓународната заедница, што значи и на луѓе кои имаат понизок стандард од Грците. Се надевам дека уплатата ќе биде извршена до 18 часот во вторник, категорично порача Лагард.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.