Грчката влада денеска одговори на претседателот на Европската комисија Жан Клод Јункер, изразувајќи сомнеж во неговата искреност, што според владиниот портпарол Гаврил Сакеларидис е неопходна за преговорите.
– Искреноста е неопходна претпоставка за добра волја и доверба во преговорите, изјави портпаролот во одговор на изјавата на Јункер дека се чувствува предаден, бидејќи неговите напори не беа земени доволно внимателно од страна на Грција.
Истовремено владата во Атина соопшти дека премиерот Алексис Ципрас разговарал со Јункер по телефон пред изјавата на претседателот на ЕК во Брисел. Ципрас, исто така, разговарал и со претседателот на Европскиот парламент Мартин Шулц.
Пред двајцата Ципрас го повторил барањето за продолжување на неколку дена на програмата за помош, што завршува на 30 јуни, до референдумот во недела, со цел да се задржи рамнотежата на банкарскиот систем на Грција.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Јункер напаѓа повторно: Кафен чевел за левата, црн за десната нога (видео)
-
Вучиќ за предупредувањето на Јункер: Можеби е претерано дека „тлото на Балканот е сеуште погодно за воени судири“, но не би ја исклучил можноста
-
Барам почитувањe: Јункер се пожали дека имал проблем со ишијасот, не со пиењето!
-
Јункер: Треба да ја исклучиме драмата од односите меѓу ЕУ и САД
