Повикот за учество на годинашната манифестација „Бела ноќ“ е отворен до 1 јули 2015 година, потсетува Младинскиот културен центар.
– Ги охрабруваме сите уметници да ја пополнат апликацијата и да бидат дел од омилената урбана културна манифестација – соопшти МКЦ.
На „Бела ноќ“ ќе бидат опфатени визуелни уметности (ликовна уметност, фотографија, инсталација, видеоарт, стрип, кибернетичка уметност), применети уметности (архитектура, визуелен/индустриски/веб-дизајн, мода, дигитални креации), музика, филм и јавна уметност и урбани перфорамнси. Уметниците што ќе учествуваат ќе бидат избрани од организаторите, а главни критериуми се квалитет и иновативноста на предложените дела. Дозволени се сите уметнички форми и медиуми реализирани со кои било инструменти или техники.
Апликациите со дополнителните документи треба да бидат пратени на адресата: Младински културен центар, со назнака (ЗА БЕЛА НОЌ 2015), Кеј „Димитар Влахов“ 15 1000 Скопје или на електронската адреса:contact@belanok.mk.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
