Законот за Специјалниот суд за ОВК третира најтешки воени злосторства

Предлог законот за специјалниот суд за злосторства на ОВК во кој Танјуг имал увид, ќе се најде в петок пред косовскиот парламент.

Во него се третираат најтешките воени злосторства, а би требало да стапи на сила во крајот на годинава.

Во предлогот се вели дека Специјалниот суд за слосторства на ОВК ќе суди за истребување, депортација, затворање, измачување, силување, сексуално ропство и прогон на политичка, национална, расна или верска основа.

Исто така со предлогот е предвидено законот да стапи на сила шест месеци по објавувањето во Службен весник на Косово што би значело дека ако се усвои в петок, ќе се применува од крајот на декември 2015 година.

Предвидено е и со истиот предлог на закон максималната казна да биде доживотен затвор. Законот треба да го потпише претседателот на Собранието на Косово Кадри Весели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.