Никос Коѕиас утре во Република Македонија

Грчкиот министер за надворешни работи Никос Коѕиас утре ќе допатува во Република Македонија.

Тој во Скопје ќе се сретне со министерот за надворешни работи Никола Попоски, а потоа, според грчкото МНР, ќе разговара со вицепремиерот задолжен за европски прашања Фатмир Бесими. На агендата е и прием кај премиерот Никола Груевски и кај претседател Ѓорге Иванов, со кого ќе има и работен ручек.

Мерките за градење доверба, засилување на економската соработка, како и билатералните прашања, вклучувајќи го и прашањето за името ќе бидат на агендата на разговорите на Коѕиас.

Македонија е првата станица од балканската мини-турнеја на грчкиот шеф на дипломатијата со цел, како што тврди официјална Атина, зацврстување на врските и соработката на Грција со балканските држави и одржување на регионалната стабилност.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.