Кои се новитетите кои ни ги носи Windows Blue? За почеток, конечно има нова и модерна верзија од Windows Explorer, која е достапна уште од самиот Start Screen. Понатаму, во пакетот е вклучен и Internet Explorer 11 и дополнителни опции за персонализација на Start екранот.
Додадена е и нова функционалност наречена „Snap View” преку која две апликации директно се делат на половина екран, наместо корисникот да го прави тоа рачно. Синхронизацијата е исто така подобрена, па сликите направени со камерата директно се прикачуваат на SkyDrive и зачуваните страни од Internet Explorer ви се достапни преку било кој уред.
Засега, нема конкретни информации за тоа кога ќе биде официјално достапен Windows Blue. Според шпекулациите, првичните BETA верзии би излегле на почеток на летото, односно јуни, а финалната верзија во септември или октомври оваа година. Исто така, можно е Windows Blue да биде бесплатен за симнување за сите корисници кои купиле Windows 8.
httpv://www.youtube.com/watch?v=WkNGkGeDd3c
Извор: gsm.mk
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
