Заев стана послушник на лоби групи, ги минираше разговорите во Брисел

заев2 Заев стана послушник на лоби групи, анализира Алфа ТВ. СДСМ ги минираше разговорите во Брисел и постигнувањето на конечен договор. По првичниот договор со еврокомесарот Хан во Скопје, поддржувачите на опозицијата почнаа жестоко да ги напаѓаат европските дипломати.

СДСМ ги минираше разговорите во Брисел и постигнувањето на конечен договор. По првичниот договор со еврокомесарот Хан во Скопје, поддржувачите на опозицијата почнаа жестоко да ги напаѓаат европските дипломати, а новинарите кои важат за блиски до опозицијата го повикаа опозицискиот лидер да ги напушти разговорите.

Очигледно Заев не издржа на притисокот и стана марионета на одделни фракции во СДСМ. Денеска изјави дека во вторник нема да присуствува на разговорите, па дури и се дрзна да го нарече еврокомесарот Хан пристрасен.

Она што е индикативно е веста за постапката која Обвинителството ја отвори за Заев. Опозициските медиуми , но и лидерот на СДСМ излегоа со информација дека тоа се случило само неколку дена по договорот со Хан. Го толкуваат како притисок и некоректен потег на власта за заплашување и уцена на Заев во фаза на разговори пред постигнување на конечно решение. Но како што дознаваме се работи за манипулација. Јавното обвинителство уште минатата недела односно пет дена пред разговорите во резиденцијата на ЕУ во Скопје веќе го имала изготвено обвинителниот акт.

Заев и социјалдемократите биле информирани за тоа, но сега според нашите информации се обидуваат да го искористат моментот за да ги избегнат изборите. Партиски извори од Павел Шатев откриваат дека постоело страв од уште еден пораз. Веднаш по пласирањето на манипулативната информација, проопозициските новинари излегоа со апел да се напуштат разговорите. Уредникот на Плусинфо напиша раководството на СДСМ е должно веднаш да ги прекине преговорите и да ја продолжи борбата за слобода и демократија.

„Овие преговори се минирани и ако продолжат, тие неизбежно ќе завршат со капитулација на отпорот против диктатурата. Простете, но јас со тоа не можам да се согласам!!!“, пишува Геровски на фејсбук, а преку колумна испрати порака „Нема попуштање друже Заев“.

Се колумна се огласи и некогашниот министер од редовите на СДСМ, Љубомир Фрчковски. Тој со слични пораки како Геровски и прогнози за неуспешни разговори.

„Последицата е јасна и неодминлива – анулирање на средбата во Брисел како последица од крајно дебалансирање на односите на преговарачите. …Радикално одбивање да се учествува во сега понижувачко дебалансираниот „дијалог“ со посредници во Брисел и отворање на порадикалните опции на судир , пишува Фрчковски.

Упатените предупредија дека неуспешни разговори би ја чинеле земјата многу. Тоа според нив ќе значи дестабилизација на Македонија, губење на препораката, економска стагнација, несигурност. А токму тоа според нашите информации бил планот и на советниците на Заев, кои верувале дека на таков начин ќе влијаат кај граѓаните да се разочараат од владејачката гарнитура. Но по денешниот потег прстот ќе биде вперен кон Заев, децидни се познавачите .

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.