Грчката Влада би можела да распише предвремени избори доколку земјата не успее да се договори со меѓународните кредитори околу условите на новиот договор за реформи, изјави грчкиот заменик-министер за социјална сигурност Димитрис Стратулис.
– Кредиторите сакаат да ни наметнат тешки мерки. Ако не отстапат од овие уцени… Владата ќе мора да бара алтернативно решение – избори – нагласи Стратулис.
Стратулис му припаѓа на екстремно левото крило на владејачката Коалиција на радикалната левица (Сириза), па според грчките медиуми, засега не е јасно дали идејата за предвремени избори е и став на мнозинството во партијата или само на оваа партиска фракција.
Според него, постои се поголем гнев поради предлозите на кредитерите и се повеќе расте чувството дека Сириза ќе бара алтернативи за да го избегне прифаќањето на планот.
Грција вчера соопшти дека за неа е неприфатлив предлог-договорот што во текот на преговорите го понудиле кредиторите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
