Четвртиот дел од „50 нијанси“ излегува на 18 јуни

Е.Л.Џејмс, авторката на плантарниот книжевен феномен „50 нијанси“, се враќа со ново, четврто продолжение на популарниот еротски серијал.

Книгата под наслов „Grey“ (Сива), ќе биде објавена на 18 јуни, соопштија од издавачката куќа Винтиџ Букс.

Овој пат приказната е раскажана од „машки агол“ односно зборува за милијардерот Кристијан Греј, чија жешка романса со младата Анастазија Стил стана опсесија од меѓународни размери.

Британската писателка наведе дека новата книга е посветена на читателите кои ја „молеле и молеле и молеле“ да го напише романот каде наратор ќе биде Кристијан.

Од издавањето на првиот роман во 2011 година, трилогијата „50 нијанси“ продадена е во повеќе од 125 милиони примероци и ги собори рекордите во продажба, како на печатени така и на електронски изданија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.