До неодамна познат како Брус Џенер (65), Кејтлин Џенер за само четири часа и три минути собра милион следбеници на социјалната мрежа „Твитер“.
Рекордот пред неа беше на американскиот претседател Барак Обама (53), кој милион следбеници на „Твитер“ имаше за четири часа и 52 минути откако се придружи на оваа социјална мрежа.
Џенер ги победи Џастин Бибер, Тејлор Свифт и многу други ѕвезди.
Џенер вчера на насловната страница на „Венити фер“ го претстави својот нов идентитет.
– Толку сум среќна што по долга борба го живеам живтот како што јас сакам. Добре дојдовте во светот на Кејтлин. Не можам да дочекам да ја запознаете – е пораката која таа ја испиша на „Твитер“.
Кејтлин има поддршка од многу ѕвезди, а на храброста лично ѝ честита Обама.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
