Премиерот Никола Груевски на маргините на Виенскиот економски форум оствари билатерални средби и разговори со премиерите на Албанија, Црна Гора, Косово и Србија.
На средбите кои Груевски ги оствари со Еди Рама, Мило Ѓукановиќ, Иса Мистафа и Александар Вучиќ биле рзменети ставови за билатералната соработка и заедничките приоритети за целосна интеграција на регионот во Европската унија.
– Разменивме мислења за севкупните случувања во регионот и во нашите држави и се договоривме да имаме уште посилна соработка во правец на зајакнување на нашите позиции како држави, зајакнување на регионалната и меѓусоседската соработка во остварувањето на заедничката цел членство во Европската Унија, и интеграција во НАТО на државите кои се уште не се нејзини членови – изјави премиерот Груевски по билатералните средби и разговори со своите колеги.
Груевски заедно со министерот за надворешни работи Никола Попоски, присуствуваше на Виенскиот економски форум што се одржува во Тирана, Албанија.
На Форумот балканските лидери истакнаа дека преку економскиот раст, подобрата инфраструктура и креирањето на работни места би се намалиле разликите меѓу земјите од Балканот и земјите од Европската унија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Орбан: Немам време да дишам, а не пак да се сретнам со Груевски
-
Орбан: Сорос е впуштен во прогонот против Груевски, а тој е мој соработник!
-
Груевски: Добив сознание дека ми се подготвува ликвидација
-
Коалицијата „Сите за правично судење“ ја оспорува професионалноста на МВР за обезбедување на Груевски
