Збогум од Реал за Анчелоти и добредојде за Бенитез

Претседателот на Реал Мадрид, Флорентино Перез објави дека Карло Анчелоти ќе го напушти кралскиот клуб, а интересно е што во долгиот говор првиот човек на шпанскиот гигант најави дека би било добро новиот тренер да говори шпански.

Медиумите веднаш го најавија Рафаел Бенитез како нов кормилар на десеткратниот европски првак, а главен конкурент му е Јирген Клоп. Претпоставката е дека Клоп можеше да биде промовиран веднаш, ако е прва опција кај Перез за нов тренер на Реал Мадрид. Менаџерот на Борусија Дортмунд се раздели со „милионерите“ и можно е да долета во Мадрид на кормилото на „кралевите“, иако прв пик е Бенитез. Според најавата на Перез новиот тренер на шпанскиот вицешампион ќе биде познат најдоцна за една седмица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.