Џејмс Харден со извонредна игра и импресивен учинок од 45 поени, 9 скока и 5 асистенции го предводеше Хјустон рокитс до првата победа над Голден стејт вориорс во финалето на Западната конференција од НБА лигата.
Хјустон славеше со 128-115 и намали на 1-3, но воините од Сан Франциско се уште имаат огромна предност и се на една победа до големото финале. Џош Смит постигна 20 поени кај победниците, а Двајта Хауард имаше дабл-дабл учинок од 14 поени и 12 скока.
Ниту една екипа во историјата на НБА лигата не успеала да се врати од негатива од 0-3, а надеж на Хјустон му дава одличната партија на Харден. Популарната „брада“ не дозволи противникот да ја направи таканаречената „метла“ односно да ја добие серијата со максимален резултат од 4-0.
Следниот меч се игра во Сан Франциско и домаќин ќе биде Голден стејт.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
