Најдобриот шутер на Атланта хоукс, Кајл Корвер заврши со настапите во плејофот и поради повреда на скочниот зглоб нема да игра во прдолжението од серијалот со Кливленд кавалирс и евентуално потоа и во финалето на НБА лигата.
Корвер се повреди во дуелот со Метју Делаведова во третиот период од вториот плејоф меч со Кливленд и не се врати во игра. Според медицинскиот тим бекот на Хоукс веројатно ќе мора да оди и на операција за да се санира повредата. Корвер е еден од најдобрите чисти шутери во НБА лигата и веројатно и водечки тројкаш на денешницата во најсилната кошаркарска лига на светот.
Атланта има огромна негатива од 0-2 против Кливленд кавалирс и би било вистинско чудо, ако успее да го елиминира противникот во финалето на Источната конференција по двата порази на домашен терен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
