Првиот македонски мјузикл за деца со наслов „Љубовта победува сè“ ќе биде изведен денеска во Театар Комедија.
Главни актери се децата од скопската градинка „Раде Јовчевски Корчагин“ кои ги играат улогите за овошјето и зеленчукот. Останати носители на дејството се Кралот Кромид – Кире Ристески, Кралицата Јаболко – Анастасија Низамова, Учител – Светлана Лукарова, Раскажувач - Илина Матеска, Сестра – Божана Гошева, Брат – Симеон Гошев и Хор - Воспитувачите од градинката.
Мјузиклот е според идејата на Злата Николиќ во сценарио и режија на Афродита Кирјаковска. Автор на музиката е Борислав Јоргушески, а за костимографијата и кореографијата се погрижија Ратка Џамбазова Коцев и Ема Достинова.
Зад продукцијата се потпишува „ДО РЕ МИ“, гитара Виктор Захариев и координатор Лидија Поповска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
